Preamble of the Indian Constitution

இந்திய அரசியல் அமைப்பின் முகப்புரை

'முகவுரை' (Preamble) என்ற சொல் அரசியலமைப்பிற்கு அறிமுகம் அல்லது முன்னுரை என்பதைக் குறிக்கிறது.
முதன் முதலில் முகப்புரையை அரசியல் அமைப்பில் வழங்கிய நாடு அமெரிக்கா ஆகும்.
இது அரசியலமைப்பின் அடிப்படைக் கொள்கைகள், நோக்கங்கள் மற்றும் இலட்சியங்களை உள்ளடக்கியது. இது அரசியலமைப்பின் சுருக்கம் அல்லது சாராம்சத்தைக் கொண்டது.
இது பெரும் மதிப்புடன் "அரசியலமைப்பின் திறவுகோல்" என அழைக்கப்படுகிறது.
இந்திய அரசியல் அமைப்பிற்கு முகவுரை வேண்டும் என்று கூறியவர் ஜவகர்லால் நேரு.
13 டிசம்பர் 1946 ல் ஜவகர்லால் நேருவின் அரசியல் நிர்ணய சபையின் குறிக்கோள் தீர்மானத்தினை முன்மொழிந்தார்.
1947ஆம் ஆண்டு ஜனவரி 2ஆம் நாள் இந்திய அரசியல் நிர்ணய சபையால் ஏற்றுக்கொள்ளப்பட்டு இந்திய அரசியலமைப்பின் முகவுரை அமைந்துள்ளது.
முகவுரையானது 1976ஆம் ஆண்டு 42வது அரசியலமைப்பு சட்ட திருத்தத்தின்படி திருத்தப்பட்டது. அதன்படி சமதர்மம், சமயச்சார்பின்மை, ஒருமைப்பாடு, என்ற மூன்று புதிய சொற்கள் சேர்க்கப்பட்டன.
'இந்திய மக்களாகிய நாம்' என்ற சொற்களுடன் இந்திய அரசியலமைப்பின் முகவுரை தொடங்குகிறது.
இது இந்திய அரசியலமைப்புத் தனது அதிகாரத்தை மக்களிடமிருந்து பெறப்பட்டதைத் தெளிவுபடுத்துகிறது. இதிலிருந்து, இந்திய மக்களே இந்திய அரசியலமைப்பின் ஆதாரம் என நாம் கூறமுடியும்.
இந்தியா ஒரு இறையாண்மைமிக்க, சமதர்ம, சமயச்சார்பற்ற, ஜனநாயக, குடியரசு என நமது அரசியலமைப்பின் முகவுரை கூறுகிறது.
இந்திய குடிமக்கள் அனைவருக்கும் சமூக, பொருளாதார, அரசியல் நீதி என அனைத்திலும் பாதுகாப்பு வழங்குவதே இதன் நோக்கமாகும்.
இந்திய மக்கள் அனைவருக்கும் சுதந்திரமாகச் சிந்தித்தல், உணர்வுகளை வெளிப்படுத்துதல், நம்பிக்கை, சமய வழிபாடு ஆகியவற்றில் சுதந்திரமாக செயல்பட இந்திய அரசியலமைப்பு உத்திரவாதம் அளிக்கிறது.
தகுதி, வாய்ப்பு ஆகியவற்றில் அனைவருக்கும் சமத்துவத்தை அளிக்கிறது. இந்தியர்களிடையே சகோதரத்துவத்தை வளர்க்க ஊக்கமளிக்கிறது.
கேசவானந்த பாரதி கேரளா அரசை எதிர்த்து தொடங்கிய வழக்கில் 1973ம் ஆண்டு முன்னுரை அரசியல் அமைப்பின் ஒரு பகுதியே என்று உச்ச நீதிமன்றம் தீர்ப்பு வழங்கியுள்ளது.

இந்திய அரசியலமைப்பு முன்னுரை (Preamble) சுருக்கம்:

இறையாண்மை (Sovereign):

இந்தியா எந்தவொரு வெளிநாட்டு சக்தியின் கட்டுப்பாட்டிலும் இல்லாமல், தனது சொந்த முடிவுகளை தானே எடுக்கும் அதிகாரம் கொண்டது.

சமதர்மம் (Socialist):

சமூக மற்றும் பொருளாதார ஏற்றத்தாழ்வுகளைக் குறைத்து, அனைவருக்கும் சம வாய்ப்புகளை உறுதி செய்யும் ஒரு அமைப்பு.

மதச்சார்பற்ற (Secular):

அரசு எந்த ஒரு மதத்தையும் பின்பற்றாது, அனைத்து மதங்களுக்கும் சமமான அங்கீகாரம் அளிக்கும்.

ஜனநாயகக் குடியரசு (Democratic Republic):

மக்கள் பிரதிநிதிகள் மூலம் ஆளப்படும் ஒரு அரசாங்க அமைப்பு.

நீதி (Justice):

சமூக, பொருளாதார மற்றும் அரசியல் ரீதியான நீதி மக்களுக்கு வழங்கப்படும்.

சமத்துவம் (Equality):

பிறப்பு, இனம், மதம், பாலினம் ஆகியவற்றின் அடிப்படையில் பாகுபாடு காட்டாமல் அனைவருக்கும் சம உரிமை வழங்கப்படும்.

சுதந்திரம் (Liberty):

மக்களின் சிந்தனை, கருத்து மற்றும் வழிபாட்டுச் சுதந்திரம் பாதுகாக்கப்படும்.